કપાયેલુ અંગ પાછું જોડાઈ શકે છે – જાણો કેવી રીતે ! – ડો. વૈભવ પટેલ દ્વારા

આ દિવાળી પર ભાઈ બીજના દિવસે એક દંપતી પોતાના નાનકડા ૯ વર્ષના બાળકને લઈને પોતાના બાઇક પર નડિયાદ તરફ જઈ રહ્યા હતા અને અચાનક એક ઇકો કારે તે બાઇકને ટક્કર મારતા થયેલા ભયાનક અકસમતના કારણે તે ૯ વર્ષના બાળકે જે ગુમાવ્યું તે જોઈને મારૂ હ્રદય કંપી ઉઠ્યું છે. આ નાનકડા ૯ વર્ષના નિર્દોષ બાળક પોતાનો પગ ગુમાવીને વિકલાંગ બન્યો. આપણે આપણી મજા કે આપના કામ જલ્દી પતાવવાની લાલચમાં કોઈ નિર્દોષ વ્યક્તિનું જીવન જોખમમાં મૂકી દઈએ છીએ કે સંઘર્ષમય બનાવી દઈએ છીએ એની આપણને કલ્પના પણ નથી હોતી. અને મને લાગે છે કે જો કદાચ લોકો પાસે પૂરતી માહિતી હોત અને સમયસર કાળજી પૂર્વક તે બાળકને હોસ્પિટલ સુધી પહોચડવામાં આવ્યો હોત તો કદાચ આ નાનકડા બાળકને ભવિષ્યના સંઘર્ષથી બચાવી શકાયું હોત. આવા સમયે ખૂબ જ જરૂરી છે કે દર્દીને પ્રથમ ૬ કલાકમાં યોગ્ય હોસ્પિટલ સુધી પહોચડવામાં આવે. આ બાળકને લોકોના અપૂરતા જ્ઞાનના કારણે પહેલા એવી હોસ્પીટલમાં લઈ જવામાં આવ્યો કે જ્યાં આ સારવાર ઉપલબદ્ધ ન હતી અને અકસ્માતના ૧૨ કલાક પછી તેને વેદ મલ્ટીસ્પેશ્યાલિટી હોસ્પિટલ ખાત્રજ, મહેમદાવાદ મુકામે લાવવામાં આવ્યો હતો. પરંતુ આટલા સમયબાદ અંગ પ્રત્યારોપણ શક્ય નહોતું અને તેથી આ બાળકનો પગ ના બચાવી શકયો જેથી હું ખૂબ જ દિલગીર છું. અને જ્યારે મારા જ ગામ વણસોલીનો દીકરો જયારે આ મુસીબતનો શિકાર બન્યો છે તેનાથી હું ખૂબ જ નાખુશ અને દૂ:ખી છું. અને તેથી જનજાગૃતિ લાવવા માટે હું ડો. વૈભવ પટેલ આ માહિતી આપી રહ્યો છું.